أمالا وكمالا , تم تربيتهما على أيدي الذئاب بعيدا عن البشر 🐺 !!

اللهم صلي وسلم على سيدنا محمد وعلى آله واصحابة اجمعين ...

بسم الله وبه نستعين 

فيه كثير قصص لأطفال متوحشيين وتربيوا على أيدي حيوانات وقصتنا اليوم عن بنتين أمالا وكمالا , تربيوا على أيدي الذئاب من صغرهم واخذوا طبائعهم وصفاتهم وحرفيا كل شيء فيهم صاروا من جماعتهم بشكل رسمي !

وعشان ما أطول عليكم ندخل للقصه على طول 🙃 :

القصة بدأت في عام 1920 , في قرية في الهند والقرية تقريبا موقعها في وسط الغابات أو قريب منها , تفاصيل قصة امالا وكامالا فيها شكوك كثيره أي انه يمكن الكلام مو صحيح 100% (القصة صحيحه طبعا وفيه صور لكن اللي مشكوك بأمره من اكتشف وجود هالبنات اصلا)

لكن بحثت في عشرات المواقع واغلبها تقول نفس الكلام , أنه البنات اللي حصلهم كان قس "رجل دين" وكان رايح في رحله اسكتشاف وحصل البنات هناك بين وسط مجموعه من الذئاب !

وتم أخذهم من قبل دار الأيتام بعدها في 9 اكتوبر سنه 1920 , رئيس دار الأيتام وقتها كتب مذكرات عن تصرفات الطفلتيين الوحشيه وكيف انها ما تمت للتصرفات البشريه بصله

كمالا كان عمرها 8 سنوات وامالا عمرها 18 شهر يعني سنه ونص .

سينغ (رئيس دار الأيتام) كتب في مذكراته ودون كل تصرفات الفتيات تقريبا بدءا من اخذهم من عند الذئاب حتى علاجهم النهائي .

تصرفات البنتين حرفيا تدل على انهم ذئاب مثل ما ذكر في المذكره , يمشون على اربع طول الوقت (بيدينهم ورجولهم) , يكرهون وينفرون من اشعة الشمس جدا , يخدشون الناس ويهاجمون اللي يحاولون يقتربون منهم وياكلوهم , رفضن الطعام المطبوخ ,ينشطون جدا فالليل عكس النهار نفس الذئاب ويصرخون نفسهم 

حتى الحواس الخمسه عندهم تأثرت بالذئاب , حاسه الشم والسمع عندهم جدا قويه 

كتب ايضا فالمذكره انه كمالا وامالا ابدا ما كانوا يظهروا مشاعر انسانيه من اي نوع لا حزن ولا فرح ولا أي شيء , وكانوا ياكلون من وعاء فالارض بس ويحبون الأكل النيء .

وكان فالليل عندهم عاده يصرخون نفس الذئاب ينادون عائلاتهم .

في عام 1921 أي بعد سنه من انقاذ البنتين توفيت أمالا (الأصغر) سبب مرض في الكلى , حزنت عليها كمالا كثير واظهرت علامات الحداد عليها بس بطريقة الذئاب طبعا كل حيوان وله طريقته .

بعد انتهاء فتره الحداد بدأت كمالا بالتعلم على المشي والتصرف كالبشر , بدأت شوي شوي تمشي وترافق البشر , لين بعد شهور من التدريب صارت تمشي وترافق البشر بكل اريحيه بدون تصرفات الذئاب "الوحشيه"

ما كانت تقدر توقف بشكل مستقيم , لكن لما يدق في مخها تمشي بأربع نفس قبل اذا كانت تبي تروح بسرعه 😂

للأسف ما عاشت كمالا فترة طويله , توفيت في سنه 1929

وكانت هذي نهاية البنتين توفيت أمالا بالبدايه بعدها كمالا بكم سنه بس

طبعا الناس خذت قصة كمالا وامالا وعملت عليها دراسات وابحاث لان هالشيء نادر نشوفه أطفال تتربى على ايدي ذئاب وحيوانات متوحشه وما زالوا عايشيين وما افترسوهم !

انتهت القصة اتمنى اعبجتكم , اذا اعجبتكم مرروها لكل أحد 💘