معنى أشهر الاختصارات في اللغة الأنجليزيه (OMG, UGH, LOL, THO, DIY) وغيرها + متى نستخدمها !!

اللهم صلي وسلم على سيدنا محمد  وعلى آله وصحبه اجمعين ...

بسم الله وبه نستعين 

 هذي المره الموضوع مختلف ما بتكلم عن قائمه او قصه غريبه أو قصص قتله ومهرجين 😂💯 .

هالمره بتكلم عن اختصارات شائعه في اللغه الانجليزيه , اللي يتابعون الأجانب خاصه او يشوفون تعليقاتهم بيلاحظون هالاختصارات وامثله عليها نفس اللي كتبتهم فوق فالعنوان وفيه كثير وكثيييير .

وهالأختصارات مفيده على فكره تختصر كتابة جمله وكلام طويل ومفيده خاصه في تويتر لانه عدد الحروف في التغريده محدد 😂.

وتفيد حتى لما تكونوا متشككين من املاء كلمه معينه تقدرون تحطونهم كأختصار

وكل اختصار له معنى ويستخدم في وقت معين وينقال لشيء معين وعشان ما اطول عليكم يالله ندخل لموضوعنا على طول 🙃 :

1- OMG

OMG = Oh My God

ومعناها بالعربي : يا إلهي أو يا للهول (هذي وقت الصدمه تجي 

2- IDK

IDK = I Don't Know

ومعناها بالعربي : لا أعلم

3- DIY

DIY = Do it Yourself 

ومعناها بالعربي : افعلها بنفسك أو اعملها بنفسك (اكيد كثير منكم شاف فيديوات DIY في اليوتيوب ملياااان منها , وينفع تقولوها لما تكلمون شخص طبعا)

4- THX

THX= Thanks

ومعناها بالعربي : شكرا (سهله , تقولونها لما تشكرون شخص)

5- N/A

N/A= Not Available

ومعناها بالعربي : غير متوفر (غالبا تحصلون المتاجر يحطونها لما ينفذ عندهم شيء ويكون غير متوفر)

6- BTW

BTW = By The way

ومعناها بالعربي : بالمناسبه (نفس "على فكره" بس بالعربيه الفصحى 😂)

7- THO

THO = Though

ومعناها بالعربي : على أيه حال (تستخدمها لما تشرح سالفه معينه 😂)

8- LOL

LOL = Laughing Out Loud

ومعناها بالعربي : الضحك بصوت عالي (تستخدمها لما يضحكك شيء معين او نكته بقوه)

10- FYI

FYI = For Your Information

ومعناها بالعربي : لمعلوماتك أو اضفها لمعلوماتك

10- UGH

هذي الكلمه مو اختصار لشيء معين بس دايماا ما تحصلونها والاجانب يقولوها , هي تنقال وقت لما تحسون بأشمئزاز أو قرف من شيء معين , ولما تحسون بالخوف أيضا .

11- PLS

PLS = Please 

ومعناها بالعربي : أرجوك

12- IKR 

? IKR = I Know, Right

ومعناها بالعربي : أعلم , صحيح أليس كذلك ؟ (هذي تقولونها لما توافقون على كلام الشخص اللي تكلمونه وتكونوا متفقيين معاه تماما)

13- B/W

B/W = Between

معناها : بين ( أي بين شيئين أو شخصين أو ما يفيد المعنى )

14- B4

B4 = Before 

ومعناها بالعربي = قبل 

15- B/C

B/C = Because 

ومعناها : بسبب

انتهى الموضوع اتمنى انه نال على إعجابكم 💘 اذا اعجبكم انشروه في كل مكان لأصحابكم واصدقائكم ومعارفكم ✅.