ولأول مره في التاريخ شرطي يحبس سنجاب في السجن بألمانيا 🐿😂 !!

اللهم صلي وسلم على سيدنا محمد وعلى آله واصحابة اجمعين ...

بسم الله و به نستعين , طبعا الغالبية العظمة منكم يعرف الحيوان اللطيف "السنجاب" 🐿🐿

وهذا موضوعنا اليوم , متخيليين في ألمانيا صارت قصه شرطي حبس سنجاب ؟ مو انسان لا سنجاب 😭😭

وعشان ما يتلخبط عندكم الوضع , مدري اذا فيه منكم شاف سلسلة أفلام الفن والسناجب اللي مسوين فرقة ويغنون مع بعض 😂 

 

واذا ما شفتوه أو تعرفونه , هذي نبذه بسيطه عن حيوان السنجاب ⬇️

الوصف

" السنجاب حيوان من القوارض، يعيش غالبا على الأشجار، وله ذيل كثيف وكبير، له عينان سوداوان واسعتان، وأذنان مستديرتان. وأغلب أنواعه حيوانات رشيقة، ذات ذيول كثة الشعر وطويلة."

الحين ندخل على قصتنا 

في يوم من الايام في مدينه كارلسروه في ألمانيا , رجل اتصل بخدمه الطوارئ بالشرطه عندهم , وكان بيبلغ على سنجاب صغير "بيبي" يلاحقه في الشوارع وما كان يمزح ابدا 😭 لما وصل الشرطي حصل السنجاب بيلاحق الرجل بدون توقف ولا أخذ بريك , وفجأه تقلب السنجاب على الأرض ونام نومة أهل الكهف من التعب والركض طول الوقت فالشارع 😂 الشرطة قرروا يطلقوا على السنجاب اسم (كارل فريدريتش) , بعد ما انقذروا الرجل اللي كان السنجاب الصغير يلاحقه اخذوا السنجاب لمركز الشرطة حتى يخلوه عندهم فالحجز لين ما ينقلونه لمركز رعاية وإنقاذ الحيوانات , طبعا الشرطة استغربوا من السنجاب هذا وتصرفه وأنه لحق الرجال بالشوارع يركض وراه نفس المجنون !!

اتضح انه هذا السنجاب مو غريب ولا تصرفاته شاذه ولا هو بمريض نفسي , كل ما في الأمر انه متحدثه بأسم الشرطة اوضحت الموضوع وقالت انه صغار السناجب لما تنفصل عن أمها , تروح تبحث عن شخص بديل عن الأم والأب اللي فقدتهم , نقدر نقول تعوض حنان او تدور حنان في شخص آخر وما اختارات غير هذا الرجال المسكين وظلت تلاحقه فالشوارع على اساس انه هالرجل هو ابوه 😂😂 

اللي يضحك انه لما الشرطي أخذ كارل السنجاب الصغير هذا لمركز رعاية الحيوانات , العامليين هناك ابلغوا الشرطي انهم تلقوا سنجابيين ايضا في نفس اليوم وبعمر مقارب لكارل , ولنفس السبب حتى كانوا يلحقون ناس وبشر على اساس انهم أهلهم 😭

أنتهت القصة هنا اتمنى انها اعبجتكم 🐿

اذا نالت القصة اعجابكم مرروها لأصحابكم واقربائكم ومعارفكم خاصة اللي يحبون السناجب 😂