اكثر 5 أكلات مقرفه يتم أكلها من قبل الصينيين 😭🇨🇳 !!

اللهم صلي وسلم على سيدنا محمد وعلى آله واصحابة اجمعين ...

بسم الله وبه نستعين 

موضوعنا اليوم عن الصينيين وأكلهم 🤷 طبعا كلنا نعرف أن الآسيويين عندهم أكلات غريبة وعجيبة , بس موضوعنا هذا مو عن الأكلات "الغريبه" لا "المقرفه" اللي ما توقعت انا بنفسي أحد ممكن ياكل هالأشياء 

ومدري اذا بتنصدمون معايي 😂..

وعشان ما اطول معاكم ندخل على قائمتنا :

1- بيض البالوت 

طبعا بتقولون شنو يعني البيض شيء طبيعي ينوكل يعني واحنا ناكله عادي , هذا احنا بس هم لا مو كذا ابداَ 🙅😂

البيض العادي اللي احنا ناكله قبل لا يتكون الكتكوت بداخله :) اتوقع وضح عندكم هم شنو ياكلون 😂😂

بيض البالوت أكله مو بس موجوده فالصين هي تعتبر طبق شعبي في الفلبين وفي دول من شرق آسيا تاكلها حتى , وبالعاده هيه تكون من الستريت فود يعني من شاحنات الطعام اللي تنتقل في الشوارع والناس تاكل منها 

طيب ايش بيض البالوت هذا ؟ بيض البالوت عباره عن بيضه دجاجه أو بط وبالعاده يكون بط , يتم يتقيحها او تحضنيها من مده تتراوح بين ال14 إلى 21 يوم قبل لا يغلونها ويتنولنها 

جنين البطه أو الدجاجه ما يكون متكون بشكل نهائي , لانه بيكون داخل البيض صفار لما يتم فتحها 

طيب السؤال هل هم ياكلونها كذا وهيه حيه 😭 ؟؟ نعم نعم نعم 😂

طريقتهم ينقرون على اعلى البيض عشان يسوون فيها ثقب , يمتصون السائل المحيط بالجنين وبعدها يقشرون البيضه وياكلون الجنين اللي داخلها 😷

2- دودة القز 🐛

دودة القز تعتبر من الاكلت الشعبية عندهم فالصين , ياكلونها بعدة طرق سواء مقلية او مشويه او مغطاه بالتشوكلت ياكلونها يعني ياكلونها 😂

يبيعونها في السوبر ماركت بكثره , معلبه أو مطبوخه أو مجمدة , من عداات الصينيين ياكلونها مقلية ويحطون معها خضرواتهم المفضلة وصوص الصويا مع النودلز والأرز

3- قضيب الخروف 🐑

الصينيين عندهم طبق قضيب الخروف 😷 عندهم مطعم اسمه جوليجوانج يقدم كل انواع الاعضاء التناسليه للحيوان مثل الغدد التناسليه للأغنام مع الكاري أو قضيب الخروف مطبوخ على البخار

الصينيين يؤمنوا انهم يقدرون يجددون من اعضائهم البشريه عن طريق تناول نفس هالعضو بس بالحيوان , عشان كذا هم ياكلون قضيب الخروف لزياده الرغبه الجنسيه عندهم بدل الحبوب , ياكلون هالطبق ويستمتعون بطعمه ومره وحده يفيدهم صحيا وجنسيا 😂

4- طبق البي دان

طبق البي دان عباره عن بيضه مدري شفيهم على البيض 😂 هيه بالعاده تكون عباره عن بيض دجاج او بط تقدم مع مزيح من الطين والرماد والقلويات والملح :)

صفار البيض ممكن يصير اصفر أو اخضر غامق أو بني على حسب المده اللي ينطبخ فيها

4- حساء عش العصافير

طبعا بتقولون العش كيف يصير نفس الحساء سائل وكذا انا بقولكم كيف 😂

هذي عصافير صغيره تعيش في جنوب آسيا , تبني اعشاشها في كهوف مظلمه نفس الخفاش , والعش هذا مصنوع عن طريق اللعاب اللي يفرزونه العصافير بنفسهم , فهم يعرضونه للهواء الطق عشان يجف ويصير عش قوي ومتماسك يقدرون يعيشون فيه .

الصينيين بياخذون العش هذا ويحطونه في مايي يغلي لفتره معينه لين ما يصير نفس السائل ونفس فالصوره فوق 

هم بالأغلب ما ياكلونه عشان الطعم عشان الفوائد الصحية اللي فيه 

5- جيلي مصنوع من صدفه السلحفاه

مثل ما مكتوب فوق جيلي ايوا بس مو الاحمر الطبيعي اللي ناكله احنا لا , هذا جيلي مصنوع من السلاحف من صدفه السلاحف بشكل أدق 😷 !

يتم صناعتها بمزيج من قشره السلحفاه السفليه ومنتجات عشبيه 

اغلب الجيلي هذا يتم صنعه من السلاحف الشائعه والموجوده في كل مكان عشان السعر بيكون منخفض , لكن احيانا تكون عالية السعر لانها مصنوعه من السلاحف الذهبيه وهي من انواع السلاحف المكلفه 

انتهت القائمه اذا عجبتك مررها لأصحابك واقربائك ومعارفك كلهم ✅✅.