قصة اليزابيث فريتزل , تم اغتصابها من قبل والدها وانجبت منه 7 أطفال 😭 !!

اللهم صلي وسلم على سيدنا محمد وعلى آله واصحابة اجمعين ...

بسم الله الرحمن الرحيم وبه نستعين 

موضوع اليوم حرفيا من أغرب القصص اللي مرت عليي وقراتها طول حياتي

 أب حبس بنته في القبو 24 سنه واغتصبها عدة مرات حتى انجبت منه 7 أطفال , من دون حتى ما اقول هالقصه متخيليين كمية البشاعه ؟

فيه فعلا ناس مريضه ومتخلفه نفس هالأب وهو لا أول ولا آخر واحد 

ولأن القصة طويله شوي ندخل للموضوع على طول :

جوزيف فريتزل :

جوزيف فريتزل هو والد اليزابيث فيرتزل , طفولته كانت قاسيه جدا امه كانت تشتغل كعاملة في المنازل تنظف وكذا , تركهم أبوه لما كان بعمر صغير وهذا السبب اللي كانت امه تضربه وتعنفه بقوه وقسوه عشانه , ظنا منها انه هو السبب في انه زوجها تركها هي و ولدها عشان تصرف عليه .

جوزيف كمل تعليمه وما وقفته هالظروف , حصل شهاده وتخرج واشتغل بوظيفه في مجال الكهرباء وتزوج بعمر صغير في عمر ال21 من روزماري وهي عمرها 17 , وانجبي منها 7 أطفال .

من الواضع انه البيئة اللي تربى فيها جوزيف خلفت الأنسان البشع اللي نشوفه اليوم , في مره من المرات اغتصب واحده من الممرضات بعد ما استدرجها البيت واحتجزها فيه وهددها بالسلاح وزوجته ماري مو موجوده .

أدين بعدها بجريمة الغتصاب وتم حبسه ل18 شهر بس :) 

اليزابيث فريتزل :

اللي فالصوره فوق هذي هي اليزابيث , اليزابيث تكون بنت جوزيف الكبرى وطبعا مثل ما قلنا فوق الأب انسجن بتهمه الاغتصاب , لما طلع من السجن كان عمر اليزابيث وقتها 11 سنه بس .

مثل ما يقولون رجعت حليمة لعادتها القديمه , الأب ابدا ما تاب من سوالف التحرش والأغتصاب وهو توه مطلع من السجن بسبب هذي التهمه ! بدأ بالتحرش في إليزابيث اول ما طلع , ما قدرت تصبر على هذا الوضع وقررت تهرب مع صديقتها لما صار عمرها 15 سنه بس بطريقة ما أو اخرى مسكتها الشرطة ورجعتها لأبوها لانها "قاصر" !!

في يوم من الأيام طلب منها أبوها تنزل معاه القبو عشان تساعده في تركيب الباب الحديدي , لما انتهوا من تركيب الباب فجأه وضع جوزيف على فم إليزابيث قطعه مبلله فيها مخدر قوي , لحظات وإلا البنت طاحت في الأرض تخدرت وفقدت الوعي 😭

بعدها قيدها بقوه وتركها في القبو , اول ما استفاقت حصلت ابوها يغتصبها !! صرخت باعلى ما عندها بس مين بيسمعها وجدران الغرفه عازله للصوت ؟

طبعا الأم اشنغل بالها على بنتها إليزابيث خاصة انها لاحظت اختفائها في البيت , ووأبلغت الشرطه على طول وبحثوا عنها في كل مكان وما حصلوها والام المسكينه ما تدري انه بنتها في البيت وتتعذب في القبو 

جوزيف لما شاف خوف الام والشرطه اللي تبحث في كل مكان قال لهم انه إليزابيث كتبت له رساله تقول له فيها انها تركت البيت وانضمت لوحده من الجماعات الدينيه وطلع لهم الرسالة , الرساله اللي ترك جوزيف تكتبها وهي مغصوبه وتحت التهديد عشان ما يشكون ان الخط مختلف 

استمر جوزيف بأغتصاب بنته سنه وراء سنه  24 سنه !! حتى انجبت منه 7 ومات واحد منهم وهو رضيع , كان ينزل لهم كل 3 ايام , كان يجبر اليزابيث انها تشوف أفلام اباحية معه وتسوي نفسهم قدام أطفالها حتى

حجه الأب جوزيف لما ينزل للقبو انه يعمل فيه وما يبي احد ينزل عشان ما يزعجه وطبعا كان يقفله بقفل لما ينزل هناك 

والجيران اشتكوا لجوزيف انهم يسمعون اصوات من القبو والحقير يقولهم هذا صوت جهاز التدفئة 😭

مرت السنين وكبروا ابناء اليزابيث صاروا شباب حتى وطبعا القبو ما رح يكفيهم , طلبت اليزابيث من جوزيف يوسع لهم القبو ورفض وتركها هيه بنفسها تنبش القبو هي وابنائها حتى وسعوه بنفسهم , السقف كان مو مرتفع ومشكله لأبنها ستيفان اللي ما شاء الله يعتبر ناطحه سحاب 😭 طويل 

طيب كيف كشفوه الشرطه وتحررت إليزابيث من أبوها ؟ 

في يوم من الأيام مرضت بنت اليزابيث الكبيره كريستين , إليزابيث تصرخ وتصرخ لأبوها عشان ياخذ بنتها المستشفى ورفض طبعا هالحقير بس بعد الحاحها وصراخها اخذها بدون محد يلاحظ من اهل البيت 

في المستشفى لاحظ الاطباء شحوب لون كريستين ابنة اليزابيث وسوء التغذيه عندها ومشاكل في الكلى , واللي خلاهم يشكون بالوضع هو انه ما عندها بطاقة هويه او أي رقم مدني أو اي شيء !!

لأن اليزابيث كانت تولد فيهم فالقبو ما طلعت منه من 24 سنه , شيء طبيعي ما يكون لهم بطاقات هوية او شهادة ميلاد

توسلت اليزابيث لأبوها ياخذها تشوف ابنتها فالمستشفى , لما اخذها وشافوها الاطباء فهموا الموضوع كله وعلى طول اتصلوا بالشرطة 

طلبت اليزايث من الشرطه تحميها من هالوحش وهذا اللي صار فعلا وانسجن طول حياته , لكنه اصر على موقفه وقت المحاكمه وقال بكل وقاحه انه كان هالشيء يصير وابنته اليزابيث راضيه وانه اصلا كان يلعب مع ابنائها ويشتريلهم هدايا 😭😭

تم تشخيصة بمرض عقلي وانسجن في سجن للأضطرابات العقلية