5 وظائف غريبة اختفت مع مرور الوقت 🕵️‍♀️❌ !!

اللهم صلي وسلم على سيدنا محمد وعلى آله واصحابة اجمعين ...

بسم الله وبه نستعين 

موضوعنا اليوم عن وظائف كانت موجوده قديما قبل ظهور الاختراعات الحديثه , واختفت الحين وما لها أي اثر 

عشان ما اطول عليكم خلونا نبدأ :

1- وظيفة حامل الصندل

ايوا فيه وظيفه كذا ومقابلها راتب بعد 😂 وظيفة حامل الصندل موجوده وشائعه كانت عند المصريين القدماء (الحضاره الفرعونية) وايضا عند اليابنيين 

بالعاده يغسل حامل الصندل أرجل مالك الصندل الملك الذي يحمل صنادله , يعين الوظيفة ما تقتصر بس على انه يحمل الصندل لااا فيها شغل اكثر وتعب ومجهود كبير 😂

حامل الصندل يمتلك مكانه عاليه مو مثل ما تعطينا الصوره العامه لوظيفته , عندنا تويوتومي هيديوشي كمثال , اصبح امبراطور اليابان بعد توحيد الجزر خلال الغزو الدموي .

 2- اللينك بويز

اللينك بويز هم اللي يحملون الشموع أو المصابيح في الطرق المظلمه خلال العصر الفكتوري في لندن قديما .

طبعا هذا الكلام كان قبل ظهور المصابيح الضوئية في الشوارع 

وظيفتهم كانت بكل بساطه يحملون معهم شمعه أو مصباح , وكان الزبون يدفعلهم مبلغ بسيط عشان يلحقه اللينك بوي هذا وين ما يروح عشان يضيء له الطريق بالشمعه أو المصباح اللي يحمله بيده .

وأحيانا كانوا عشان يجنون مدخول اضافي يشتغلون مع اللصوص والسحره 

 3- رجل الرمال

وظيفة رجل الرمال هذي كانت شائعه عندهم قبل , كانت وظيفته عباره عن انه يستخدم الرمل عشان يجفف الحبر اللي فالرسائل

عشان تجف بسرعه بدون ما تخرب

اما الحين اختفت لانه صار فيه أقلا حبر جاهزه وتنشف بسرعه 😂 وطبعا صار في ايميل ورسائل نصية وغيره 

 4- مضيء المصابيح 

شايفين الأعداد الهائلة للمصابيح الكهربائية في شوارعنا  ؟ حرفيا اعدادها بالآلآف 

قبل لا تظهر هالمصابيح اللي تشتغل بالكهرباء , قديما كان لازم يضيئون كل مصباح لوحده متخيليين كمية التعب والأرهاق ؟!!

وظيفة مضيء المصابيح يصعد لكل مصباح عن طريق السلم , ويضيئه بأستخدام كبريت أو اي شيء ثاني 

وكان لازم يسوي كذا مع كل مصباح موجود فالشارع وفي البيوت حتى لكن طبعا بمقابل مادي 

ياخذ راتب الرجال مو كذا ببلاش 😂

 5- رجل توصيل قطع الثلج

قديما ما كان الثلج موجود عندهم بسهوله وجتى الايس بوكس وهذي الاشياء , كان في وظيفه لقاطع الثلج يروح يقطع ثلج من الانهار المتجمده وهذي المناطق 

ويخزنوها ويقوم رجل التوصيل هذا يوصلها لكل بيت , الثلج قديما كان عندهم دلفري وله مندوب 😂 لان كان صعب عليهم يحصلونه نفس الحين عندنا متوفر بكل مكان ونقدر نسويه حتى عندنا بالبيت الثلج 

انتهى الموضوع اتمنى جد انه اعجبكم 

اذا اعجبكم مرروه لأهلكم واصدقائكم ومعارفكم وكل احبائكم ودمتم سالمين