قصص غريبة صارت لأشخاص مع الأشباح (الجن) 👻👻 !!

اللهم صلي وسلم على سيدنا محمد وعلى آله واصحابة اجمعين ...

بسم الله الرحمن الرحيم ونبدأ موضوعنا الشيق المثير 👻😂 

الأشباح أو الجن مثل ما هو شائع عندنا , هم مخلوقات من مخلوقات الله وهم موجودين طبعا والموضوع هذا ما فيه أحد يقدر ينكره لان الله ذكرهم في القرآن في عدة مواضع وخصص سورة كامله عنهم بأسمهم سورة (الجن)

لذا الحديث مع شخص ينكر وجود عالم آخر وهو عالم جن حديث ضائع وما فيه فائده اهربوا اهربوااااا 😭😭😭 

وعشان ما اطول عليكم نبدي مع القصة الأولى :

 

1 - قصة الأختين في الفندق 

هذولي أختين راحوا يقضيون ليلة في فندق قديم وتاريخي مبني من 1800 وللحين الناس تروح له , وأختها اللي تحكي القصه دايما تحب تروح له وتنام فيه 

فالليل لما ناموا الاختين , اللي تروي القصه قالت انها ما نامت طول الليل لانها ظلت تسمع اصوات حركة من الغرفة إلى فوقهم , حركات أقدام والصوت كان عالي وما خلاها تقدر تنام وجنت واستخفت البنت 😭

لما نهضت الصباح سألت اختها انه كيف قدرتي تنامي طول الليل مع هذا الصوت ! قالتلها الغرفه اللي فوقنا اصلا كانت قاعة رقص بس الحين صارت فاضية وفرشوها سجاد كلها , وراحوا يعلموا العاملين بالفندق بالمشكله وقالوا لهم وأكدوا لهم انه ما فيه احد موجود كان فالغرفه اصلا ولا حد يطلع لها مهجوره !!

البنت اللي تروي القصه قالت انه فعلا ما فيه احد من العاملين طلع هناك لأنهم ذكور وانا الصوت القوي اللي سمعته كان صوت كعب عالي :)

2 - قصة عرض الأوبرا

شخص (مدري ما وضح هل هو ذكر أم انثى ) يروي قصته ويقول لما كنت فالجامعه كنت مشترك فنادي الدراما وكنا نستخدم دار الاوبرا القديم اللي عمره اكثر من 100 سنه , وكان عندهم عرض وهو اضطر انه يروح هناك لوحده عشان يجهز التجهيزات للمسرحية .

المسرح كان ضخم جدا وفيه فوق ممرات خشبيه مثل ما وصفه , لما راح هناك بدأ يلون ويشتغل وفجاه سمع اصوات اقدام تمر من الممرات فوق ذهابا واياباَ عدة مرات 

حاول انه يتجاه الصوت بس مستحيل لانه كان واضح وعالي , لما كان على وشك الانتهاء سمع صوت شيء يطيح من فوق الممرات الخشبيه هذي !! بحث هنا وهناك وما حصل شيء وطلع على طول من دار الأوبرا بعد ما خلص شغله

يقول صاحب القصة يمكن هذي روح الشخص (من معتقداتهم) الي كان مغني هنا في دار الاوبرا ومات في احتفال الهالوين 

ويقول بعد انا ما كنت اؤمن ابدا بالاشباح لكن بعد هذا الموثق آمنت ايمان تام !

3 - صوت الأنين الخافت في الحانه

وحده كانت تشتغل في البار (مكان لبيع الخمور والكحول ويسمى الحانه ) لما انتهت من شغلها راحت المطبخ ترجع اكواب الزجاج اللي موجوده فالطاولات بعد ما نظفتها , ما انتبهت أن الارض رطبه وتزحلقت عليها وطاحت على الارض

أول ما طاحت على الأرض على طول سمعت صوت أنين خافت النبرة , من كثر ما هو واضح جاء على بالها انه صوت انسان واستغربت جدا وتجمدت مكانها من الخوف لانها الوحيده اللي بقت في البار وما كان فيه احد ثاني ! 

ناديت "مرحبا" بعد ما وقفت وهيه ترتجف من الخوف , ما فيه أحد رد عليها بس سمعت صوت الانين نفسه مره ثانيه بنفس النبره لكن هالمره بشكل أعلى , استجمعت شجاعتها واقتربت من مصدر الصوت وهي تقول "مرحبا" وما فيه جواب بس سمعت نفس صوت الانين بالضبط بس بشكل أعلى وأعلى لدرجه مو طبيعيه 

البنت خافت خوف مو طبيعي ركضت تمسك أكبر سكين فالمطبخ واخذت محفظتها وركض على طوووول على الباب بدون ما تلتفت وراءها 

لما جاء الصباح الطباخ اللي هناك ظل يسأل وين السكين من أخذها 😂 ؟ بعدين البنت عرفت انه صار موقف مشابهه لموقفها أمس بالليل قبل سنوات مع ابن صاحب الحانة وسمعت انه مات هناك في نفس الحانه اللي صار فيها الموقف !!

4 - رفيقة السكن

تقول راويه القصه مرات انهض وسط الليل أحصل رفيقة السكن اللي معاي تضحك وتقهقه بصوت عالي وتلعب بشعري , لما اسألها الصباح كل مره ما تتذكر اي شيء 😭

5 - قصة الأم وبنتها 

الأم تروي القصة وتقول في ليلة قبل وقت النوم كنت مع بنتي اللي عمرها سنتين ونص , نلعب لعبه قبل النوم أنه نسمي أسماء الدمى حقتها والعابها اسماء من عندنا , وبقت أخر دمية وعطيناها أسم لها , فجأه بنتي سألت " أيش اسمها ؟" , الأم استغربت قالتلها من هي ؟ خلاص سميناهم كلهم , فجأه البنت اشرت على جدار فاضي قالت "البنت الصغيره هذي"

الأم تقول ما قدرت انام اسابيع إلا وضوء الغرفه موجود 😭😭😭😭

6 - قصة الراديو

واحد يقول اعيش في بيت قديم شبه تاريخي , انهض بنص الليل اسمع الراديو فجاه يطلع موسيقى ريفيه قديمه يشتغل بكيفه بمزاجه , مع اني انا ابدا ما أحب الاغاني الريفيه ولا اسمعها ولا عمري فتحتها واضطر اغيرها كل ما نهضت من الصباح وانا اتجهز عشان اروح لمكان عملي

بس يكفي قصص لليوم ان شاء الله نسوي للموضوع جزء ثاني 😂 👻

{ايكم يهمني بالموضوع واذا اعجبكم انشروه وارسلوه لأصحابكم واقربائكم خاصه اللي يعشقوا سوالف وقصص الجن 😂😂